«Эйр Манас» жеке авиакомпаниясы Кыргызстанга «Airbus A220» тобундагы жаңы үлгүдөгү учак алып келди.
Маалыматка ылайык, ага «Каганат» деген ысым ыйгарылды. «Airbus» учагын башкарууну үйрөнүү үчүн «Эйр Манас» компаниясынын экипажы жана техникалык кызматкерлери Германиядан окуп келишкен.
“Мындай жогорку үлгүдөгү авиалайнерди эксплуатацияга алуу Кыргызстан үчүн өтө маанилүү иш-чара. Элдин да сапаттуу авиациялык тейлөөгө муктаждыгы күн санап өсүүдө. Анткени акыркы жылдары жарандык авиация аксап жаткандыктан тоскоолдуктарды жеңүүгө аракет кылып келет.», деп жазылат «Манас» аба майданы тараткан маалыматта.
