Бүгүн, 28-апрелде «Манас» эл аралык аэропортунда Екатеринбург—Бишкек чартердик каттамын тосуп алышты. «Урал авиакаттамдары» компаниясынын учагы менен 157 жүргүнчү учуп келди.
Республикалык ыкчам штабдын маалыматы боюнча, COVID-19 пандемиясынын жайылышын болтурбоо максатында жеке коргонуу каражаттарын колдонууда бардык коопсуздук чаралары сакталып, чартердик каттамдардын жүргүнчүлөрү аба майдандын перронунда тейленет. Андан кийин алар обсервацияга жөнөтүлөт.