Бишкек.27.05.2019.Govori.TV.
Айыл чарба, тамак-аш өнөр жайы жана мелиорация министри Нурбек Мурашев ден-соолугуна байланыштуу ооруканага түштү. Бул туурасында экс-министр Govori.TV агенттигине өзү тактады.
Айта кетсек, бүгүн Президент Сооронбай Жээнбеков Айыл чарба, тамак-аш өнөр жайы жана мелиорация министри Нурбек Мурашевдин кызматтан кетүү боюнча арызын кабыл алды.
Эске салсак, өткөн жылы айдалган картөшкө сатылбай, ороолордо чирип кеткендиктен министрликтин ишине сын-доомат көп айтылды. Өкмөттүн соңку жыйынында премьер-министр Мухаммедкалый Абылгазиев дал ушул маселе боюнча Мурашевдин ишин сындаган.
«Бир Бол» фракциясынын сунушу менен кызматка келген мурдагы айыл чарба министри Нурбек Мурашев 24-майда кызматтан кетүү жөнүндө арыз жазган. Бул кызматка ал 2016-жылдын аягында дайындалган.
