Бүгүн, 13-декабрда эртең менен Билим берүү министрлиги 13-14-декабрь күндөрү Бишкек шаарындагы мектептер онлайн окутууга өткөндүгүн кабарлаган.
Соцтармакта айрым ата-энелер нааразы болушууда. Алардын айтымында чечим кеч кабыл алынган.
Бул арада Бишкек мэриясы маалымат таратып мектептер апта аягына чейин онлай окуй тургандыктарын маалымдашты.
Кыргызгидромет борбору билдиргендей, 13-декабрда аба ырайы туруксуз болот. 14-декабрда абанын температурасы мындан ары төмөндөйт. Суук аба ырайы жайыттарда малды багууну, автоунаа, энергетика жана коммуналдык казматтардын ишин кыйындатат.