Түркиянын президенти Режеп Тайип Эрдоган мамлекеттик, Венгриянын премьер-министри Виктор Орбан расмий сапар менен 5-ноябрда Кыргызстанга келет. Алар 6-ноябрда өтө турган Түрк мамлекеттер уюмунун 11-саммитине катышат.
Мындан улам борбор калаада 5-6-ноябрь күндөрү бала бакчалар иштебей турганы кабарланган. Ал эми бул күндөрү бардык билим берүү мекемелери аралыктан окутууга өтөт.
Өкмөттүн маалымат кызматы Бишкектеги министрлик, мамлекеттик мекемелердин кызматкерлери 5-6-ноябрда аралыктан иштей турганын кабарлаган.
Кошумчалай кетүүчү жагдай, 7-8-ноябрь майрам болсо, 9-10-ноябрь — дем алыш күндөр.
Баса, мектептер 4-ноябрдан тарта каникулга чыгышкан.
