Евробиримдик Тажикстандын Кыргызстан менен чектеш Согди облусунун курулушуна 3 миллион евро бөлдү. Айрыкча жаратылыш кырсыктары болгон учурда баш калкалоочу жайларды куруу пландалууда. Тиешелүү меморандумга Тажикстандын Өзгөчө кырдаалдар жана жарандык коргонуу комитети кол койгонун ведомствонун басма сөз кызматы билдирди.
«Бул бизге өзгөчө кырдаалдарга ыкчам чара көрүү, жабыр тарткан калкка өз убагында жардам көрсөтүү жана потенциалдуу качкындарды убактылуу баш калкалоочу жай менен камсыздоого мүмкүндүк берет», — деп айтылат билдирүүдө.
Ошондой эле эки спорт аянтчасын түзүү пландалууда. Объекттер Тажикстандын президенти Эмомали Рахмондун тапшырмасы боюнча Тажикстан менен Кыргызстандын ортосундагы чек ара аймактарында туруктуулукту чыңдоо демилгеси (ISECA) долбоорунун алкагында курулат.
Эскерте кетсек, 27-февралда Жогорку Кеңештин алты комитети Кыргызстан менен Тажикстандын ортосундагы мамлекеттик чек ара боюнча келишимди ратификациялоону карап, жактырды.
Улуттук коопсуздук боюнча мамлекеттик комитеттин башчысы Камчыбек Ташиев бир айдын ичинде мамлекеттик чек ара боюнча келишимди ратификациялоо процессин аяктай турганын билдирген. Макулдашууга 21-февралда Бишкекте өкмөттүк делегациялардын кыргыз-тажик чек арасын делимитациялоо боюнча сүйлөшүүлөрүнүн жыйынтыгында кол коюлган.
Эмомали Рахмон мамлекеттик сапары менен Кыргызстанга 12- мартта келет. Сапардын алкагында чек ара боюнча келишимге кол коюлат деп күтүлүүдө.
Бүгүнкү күндө Өзбекстан менен чек араларды демаркациялоо маалында мурда Өзбекстанга тиешелүү болуп келген эки айыл …
Кыргызстандын президенти Садыр Жапаров бүгүн, 18-июнда Албаниянын президенти Байрам Бегай менен анын Кыргызстанга болгон расмий …
Албания Республикасынын президенти Байрам Бегай 17-июнда, Кыргыз Республикасына расмий иш сапары менен келди. Жогорку даражалуу …
10-июнда саат 17:26да Кыргызстан менен Казакстандын чек арасында жер титиреди. Бул тууралуу Сейсмология институтунан билдиришти. …
Бүгүн Кыргызстандын Улуттук курама командасы ФИФАнын июнь айындагы эл аралык беттештеринин алкагында Палестинанын улуттук курама …
Кыргыз Республикасы Европа Биримдигине учууларга тыюу салынган аба аркылуу ташуучулардын тизмесинен чыгарылды. Европа Комиссиясынын Мобилдүүлүк …
