• Жума 23 Бирдин айы 2024
  • Пятница 23 Февраль 2024

Евробиримдик менен Британия Орусиядан көмүр сатып алууну токтотту

10 августа 2022 в 16:20 Бишкек Govori.TV

Европа Биримдигинде (ЕБ) 10-августтан баштап Орусиядан көмүрдү импорттоого толук тыюу салуу күчүнө кирди. Биримдик бул чарага апрелдин башында Орусияга салган санкциялардын бешинчи пакетинде макулдук берген. Улуу Британия да 10-августтан тарта орус көмүрүнөн баш тартты.

Еврокомиссиянын маалыматына ылайык, эмбарго жылына 8 миллиард еврого же Орусиянын көмүр экспортунун төрттөн бирине таасирин тийгизет. Евробиримдик Орусиядан сатып алынбай калган көмүрдүн ордун Түндүк Америкадан, Австралиядан, Колумбиядан, Түштүк Африкадан жана Казакстандан ташып келип толтурат.

Евробиримдик Орусиядан көмүр ташууга тыюу салганын жарыялагандан кийин, Москва экспортту Индия менен Түркияга багыттады. Бирок мындай шартта көмүрдү 50% чейин арзан сатууга туура келет.

Жыл аягына чейин Европа өлкөлөрү орус мунайынан жарым-жартылай баш тартууну пландап жатат. АКШ марттын башында эле Орусиядан газ, мунай жана көмүрдү импорттоого тыюу салган.

Количество просмотров: 207