Жалпы статистикага ылайык, Россия Федерациясынын аймагында жүргөн Кыргызстандын жарандарынын саны жыл сайын азаюу тенденциясын көрсөтүүдө. Бул тууралуу брифингде КР ТИМ консулдук департаментинин директорунун орун басары Алмазбек Байбосов билдирди.
Анын айтымында, үстүбүздөгү жылдын 1-январына карата Россияда 472 миң 336 КР жараны жүргөн. 14-майга карата жаңыланган маалымат боюнча, бул көрсөткүч 502 миң адамды түздү.
Ведомство бул жергиликтүү өсүштү жылдын жылуу мезгилинин башталышы жана мекендештердин сезондук жумуштарга чыгышы менен байланыштырат, бирок узак мөөнөттүү келечекте көрсөткүчтөр кыскарууда. Эгерде акыркы жылдардагы жалпы статистиканы карасак, анда Россиядагы кыргызстандыктардын санынын динамикасы төмөнкүдөй: 2022-жыл — 587 миң 89 адам; 2023-жыл — 408 миң 448 адам; 2024-жыл — 656 миң 304 адам; 2026-жыл — 502 миң адам.
Бүгүнкү күндө Россияга кирүүгө 91 миң 566 Кыргызстандын жаранына тыюу салынган, алар «кара тизмеде» турат. Ошол эле учурда, өткөн жылы РФдан 6 миң 271 кыргызстандык депортацияланган.
Брифингдин жүрүшүндө Россиянын аймагында соттолгон жарандарды жазасын андан ары өтөө үчүн Кыргызстанга которуу боюнча активдүү иштер жүргүзүлүп жаткандыгы да белгиленди.
Акыркы маалыматтар боюнча, РФнын түзөтүү мекемелеринде 1 миң 126 КР жараны бар. Алардын мекенине кайтып келүү динамикасы төмөнкүдөй: 2024-жылы Кыргызстанга 117 жаран которулган, өткөн жылы — 232 адам, ал эми үстүбүздөгү жылдын 21-майына карата мекенине 156 жаран кайтарылган.
Министрлер кабинетинин төрагасы Адылбек Касымалиев 17-19-июнда Россиянын Санкт-Петербург шаарына иш сапары менен барат. Иш сапардын …
Кыргызстандын Бириккен Улуттар Уюмунун Коопсуздук Кеңешиндеги алдыдагы ишине байланыштуу Россия Кыргызстан менен тыгыз кызматташууга даяр. …
Ысык-Көл облусунда миграциялык мыйзамдарды бузган 36 адам аныкталды. УКМК тараткан маалыматка ылайык, атайын кызмат тарабынан …
Кыргызстан менен Казакстандын чек арасындагы абал тууралуу Кыргыз чек ара кызматы билдирүү таратты. Маалыматта кезек …
Россияда жүргөн кыргызстандык эмгек мигранттарынын 1,3 млн рублдан ашык эмгек акысы кайтарылып берилди. Бул тууралуу …
Бүгүн Россиянын коргоо министри Андрей Белоусов расмий иш сапары менен Бишкекке келди. Бул тууралуу Коргоо …
