Бишкекте Кыргызстан — Мьянма курама командаларынын беттеши өтүп жатат.
Оюн талаасында кыргызстандыктар артыкчылык кылып, биринчи таймда кыргызстандык чабуулчу Виктор Майер Мьянманын дарбазасына 2 гол сокту.
Ал эми беттешке бир гана стадиондо эмес Бишкектеги эски аянтта да күйөрмандар көз салууда.
Кошумчалай кетсек, 8-июнда Бишкекте футбол боюнча Азия кубогуна тандоо оюндары башталды. Азия кубогуна жолдомо үчүн Кыргызстан F тайпасында Сингапур, Мьянма жана Тажикстан менен ойнойт. Азия кубогу 2023-жылы Кытайда өтөт. Кыргызстан биринчи беттешинде Сингапурду 2:1 эсебинде жеңген болчу.