Парижде жана Франциянын башка 200 шаарында пенсия курагын көтөрүүгө каршы массалык митингдер өтүп жатканын чет элдик басылмалар жазды.
Франциянын ички иштер министрлиги өлкө боюнча 1 миллион 120 миң адам нааразылык акциясына чыкканын билдирди. Парижде 80 миң демонстрант чыккан.
Буга чейин 10-январда Франциянын премьер-министри Элизабет Борн өкмөт быйыл ишке киргизүүнү пландаштырып жаткан пенсиялык реформанын долбоорун сунуштаган. Бийлик 1-сентябрдан тарта өлкөдө пенсия курагын көтөрүүнү көздөөдө.