Бишкек. 11.07.2019. Govori.TV
Гапар Айтиев атындагы көркөм сүрөт музейинде эки көчүрмө сүрөт табылды. Бул тууралуу 24.kg сайты жазды.
Маалыматка ылайык, атайын түзүлгөн комиссия 250 сүрөттү карап чыгып, эки сүрөттүн көчүрмөсү турганын аныкташкан. Анда Андрей Мыльниковдун «Сон» жана Евсей Моисеенконун «Ольга» сүрөттөрүнүн оригиналы музейден табылган эмес. Бул картиналар өтө жогору баада экени айтылган.
Эске салсак, аталган музейдин мурдагы директору Юристанбек Шыгаев буга чейин эки сүрөттү музейден алып чыкканы айтылган. Буга байланыштуу ал жумуштан алынып, анын ордуна Мира Жангарачева дайындалган.
