18-майда Гонконгдун парламентинде депутаттар чырлаша кетишти. Демократиялык реформаларды жактаган депутаттар менен Кытайдын борбордук бийлигине ыктаган өкмөттү колдогон депутаттардын ортосунда башталган кайым айтышуу жакалашууга чейин жетти.
Тараптар талаштуу мыйзамдарды караган комитет жетекчисин шайлоодо бир пикирге келе алышкан эмес. Мушташтан кийин оппозициячыл депутаттар күч менен сыртка чыгарылып, комитет жетекчилигине Бээжиндин таламын талашкан мыйзам чыгаруучу шайланды.
Гонконгдо былтыр жайдан тартып ушул жылдын башында коронавирус эпидемиясы күч алганга чейин бийликке каршы демонстрациялар токтобой келди. Басымдуу бөлүгүн студенттер түзгөн миңдеген адамдардын тынымсыз көчөгө чыгышына кылмышка шектүүлөрдү Кытайга өткөрүп берүүгө жол ачкан мыйзам долбоору себеп болгон. Ал документ артка чакыртылганы менен бийликке каршы нааразылык толкуну токтогон эмес.
Былтыр ноябрь айында Гонконгдун 18 райондук кеңешинде шайлоо өтүп, анда демократиялык күчтөрдүн өкүлдөрү 452 орундун 396сын, тактап айтканда дээрлик 90% жеңип алышкан.
1842-жылы Британия ээлеп алган Гонконг 1997-жылы өзгөчө укуктары бар, демократияга жана эркиндикке кепилдик берилген атайын аймак катары Кытайга кайра кайтарылып берилген.
Милициянын кайгуул кызматынын басма сөз кызматы №41 автобустун айдоочусу менен патрулдук милициянын чыры тууралуу маалымат …
Бүгүн, 20-декабрда КР Жогорку Кеңештин Эл аралык иштер, коргоо, коопсуздук жана миграция боюнча комитетинин мүчөлөрү …
Баткен облусунун Лейлек районуна караштуу Интернационал айылынын тургуну Абрахман Эшимбеков ал жашап келген айылдын азыркы …
Бүгүн, 19-сентябрда Кыргызстандын Коопсуздук кеңешинин катчысы Марат Иманкулов журналисттерге маалымат жыйын куруп, чек арадагы окуяны …
Ош шаарынын мэри Алмаз Мамбетов Манас-Ата кафесинде болгон окуя тууралуу өз оюн билдирди. Ал өз …
Кыргызстан менен Тажикстан сүйлөшүүлөрдүн жыйынтыгында бир катар чечимдерди кабыл алды. Бул тууралуу КР Улуттук коопсуздук …
