Бишкек. 11.04.2019. Govori.TV.
ИИМ 1,5 ай мурда жатак абагына чыгарылган Дөө Чыңгыз каймана аттуу Чыңгыз Жумагуловго издөө жарыялады. Бул тууралуу Жаза аткаруу кызматынан билдиришти.
Алардын маалыматында, 1981-жылы туулган Камчы Көлбаевдин кылмыштуу тобунун мүчөсү Чыңгыз Жумагулов февраль айында жатак абагына чыгарылган.
Ал 2016-жылы адам өмүрүнө кол салууну уюштуруу беренеси менен соттолгон.
ИИМ кечээ Бишкектеги № 2 төрөт үйүнүн алдына ташталып кеткен эки жаранды Чыңгыз Жумагулов сабады деп, ага издөө жарыялады.
Белгилей кетсек, оорукананын алдына ташталгандардын экөө тең уюшулган кылмыштуу топтун мүчөлөрү, бирөө каза тапты.
