Индия дары-дармек өндүргөн компанияларды экспортко жөнөтөрдүн алдында жөтөлгө каршы сиропторду тесттен өткөрүүгө милдеттендирет. Бул тууралуу Reuters агенттиги өлкө өкмөтүнүн тиешелүү буйругуна шилтеме кылып кабарлады.
Буйрукка ылайык, жөтөлгө каршы кандай гана сироп болбосун чет өлкөгө жөнөтүлөрдүн алдында мамлекеттик лабораториянын тастыктамасын алышы керек. Мындай эреже 1-июндан тарта күчүнө кирет.
Индиянын жүгүртүмү 41 миллиард долларга жеткен фармацевтикалык өнөр жайы дүйнөдөгү эң ири дары-дармек өндүрүүчүлөрдүн бири болуп эсептелет. Анын репутациясы былтыр Дүйнөлүк саламаттык сактоо уюму (ДССУ) үч индиялык компаниянын жөтөлгө каршы сиропторунан уулуу диэтиленглиголь жана этиленгликоль заттарынын ашыкча көлөмү аныкталганын билдиргенден кийин начарлап кеткен.
Өткөн жылы индиялык Marion Biotech компаниясы өндүргөн жөтөлгө каршы «Док-1 Макс» жана «Амбронол» сиропторун ичкенден кийин Гамбияда 70, Өзбекстанда 19 бала каза болгон.
Өзбекстандын бийлиги декабрдын соңунда аталган дарыны өлкө аймагында сатууга тыюу салган. Ушундай эле чечимди Кыргызстан да кабыл алган.
Быйылкы жылдын январь-март айларында Өзбекстан 2 миллиард 664 миллион 300 миң долларга алтын экспорттогон. Өзбекстандын …
Ошто бир миллион сомдук аткезчилик жол менен алынып келген дары-дармектер кармалды. Бул тууралуу Ички иштер …
ЖОГОЛГОН ЖАРАНДЫ ИЗДӨӨ УЛАНУУДА Аламүдүн капчыгайында бир жумадан бери дайынсыз болуп жаткан жаранды издөө 22-январда …
Дары-дармектердин мыйзамсыз ташылып келүүсүнүн ири партиясына бөгөт коюлду. УКМКнын маалыматына ылайык, учурда бул багытта тергөө …
Индиянын Гургаон (Гуруграм) шаарында полициянын формасын кийген адамдар өзбек жарандарынын 16 миң долларын уурдап кетишти. …
Бүгүн, 22-ноябрда Жогорку Кеңештин жыйынында Министрлер кабинети демилгелеп жаткан “Дары каражаттарын жүгүртүү жөнүндө” Мыйзамдын долбоору үчүнчү …
