Ирандын бийлиги адеп-ахлак полициясынын күзөтүн кайрадан жандандырат. Бул чечим аялдарды жоолук же хижаб кийүүгө милдеттендирген нормаларды аткарууга багытталганы белгиленет.
16-июлда Иран полициясы билдирүү таратып, полициячылар ачык кийинип жүргөндөрдү көзөмөлдөй турганын эскертти. Буга чейин социалдык тармактарда бир катар шаарлардын көчөлөрүндө адеп-ахлак полициячыларынын унаалары жүргөнү тууралуу такталбаган маалыматтар пайда болгон.
«Азаттыктын» иран кызматы («Фарда» радиосу) жергиликтүү басылмаларга шилтеме кылып, актер Мохаммад Садеги адеп-ахлак полициясы кармаган аялга байланыштуу сын айтканы үчүн камалганын жазды. Тегеран мэриясына байланышы бар гезиттердин бири актер күч органдарына каршы курал колдонууга чакырганына байланыштуу камалганын билдирди.
Иранда адеп-ахлак полициясы 2022-жылы сентябрда Махса Амини аттуу 22 жаштагы студент кыздын өлүмүнөн улам тутанган калайман нааразыктарга байланыштуу убактылуу токтотулган. Амини хижаб кийүү эрежесин бузган деген айып менен камалып, жабык жайда көз жумган. Митингдер 1979-жылкы революциядан бери бийликке туулган эң чоң коркунуч катары мүнөздөлгөн.
Эл аралык уюмдардын эсебинде, демонстрациялар күч менен басылганда 500гө жакын адам набыт болуп, 60тан ашуун коопсуздук кызматкери каза тапкан.
Нааразылыкка чыккан миңдеген активист камакка алынып, айрымдары өлүм жазасына тартылган.
Иранда 1979-жылкы революциядан кийин тогуз жаштан ашкан кыздар жана аялдар коомдук жайларда башын жапкан кийим кийүүгө милдеттүү деген мыйзам кабыл алынган. Хижабы жок же аны туура эмес кийгендерге айып салынат же камалат. Көчөдө башын толук жаппаган аялдарга кол салган учурлар да катталган.
Ирандагы таасирдүү генерал Касем Сулейманинин киши колдуу болушунун төрт жылдыгы белгиленип жаткан маалда көрүстөндө болгон …
Иранда киши өлтүрүүгө айыпталган 17 жаштагы Хамидреза Азари өлүм жазасына тартылды. Бул тууралуу Iran Human Rights (IHR) …
8-ноябрда расмий сапары менен Душанбеге барган Ирандын президенти Ибрагим Раиси Тажикстандын мамлекет башчысы Эмомали Рахмон …
Президент Садыр Жапаров Нью-Йорк шаарында (АКШ) өтүп жаткан БУУнун Башкы Ассамблеясынын 78-сессиясынын алкагында Иран Ислам …
Иран Ислам Республикасы ШКУга толук кандуу мүчө мамлекет макамын алды. Мындай декларация Нью-Дели саммитинде кабыл …
Кыргызстандын футбол курамасы CAFA NATIONS CUP-2023 мелдешинин алкагында Бишкекте Иран менен беттеш өткөрүүдө. Оюндун биринчи …
