Иранда саламаттыкты сактоо министринин орун басары коронавирус жуктурду. Бул тууралуу чет элдик басылмалар жазды.
Маалыматтарга ылайык, Ирандын саламаттыкты сактоо министринин орун басарынын коронавирусту аныктоо үчүн берген тести оң жыйынтык чыгарган.
Ал эми Ирандын Саламаттыкты сактоо министрлигинин өкүлү мамлекеттик телеканалга берген маегинде министрдин орун басары Ирадж Харирчи коронавирусту жуктуруп, карантинде жатканын маалымдаган.
«Ирадж Харирчи дүйшөмбү күнү жумушунда болуп, өлкөдөгү эпидемиялык вирус боюнча Тегеранда маалымат жыйын өткөргөн. Маалымат жыйында ал өзүн жаман сезген»,-деп айтылат маалыматта.