Бишкек.12.06.2019.Govori.TV.
Жогорку Кеңештин депутаты Канатбек Исаев мурдагы президент Алмазбек Атамбаевдин ишмердүүлүгүнө парламент баа бериши керек деп эсептейт. Бул тууралуу ал бүгүн 12-июнда жалпы жыйында сүйлөп жатып айтты.
«Башкы прокуратура, Финпол, Ички иштер министрлиги тиешелүү иш алып барбай жатса, Жогорку Кеңеш демилгени өз колуна алып, мурунку президент Атамбаевге тиешелүү баа бериши керек»,-деди эл өкүлү.
Исаев Атамбаевдин 8-июнда өткөн митингде сүйлөгөн сөздөрү боюнча өз пикирин айтып, кескин сынга алды.
Атамбаев Кыргызстанды 2011-2017-жылдары башкарган.
Азырынча депутаттын билдирүүсүнө мурдагы президент тараптан комментарий боло элек.
