Чүй ООИББдин ЖКККБнын басма сөз кызматы бул кырсыкты тастыктап, 13-октябрда болжол менен саат 17:30 чамасында Бишкек—Ош жолунун 164-чакырымында «Subaru Forester» менен «Toyota 4Runner» үлгүсүндөгү автоунаалар бет маӊдай кагышканын маалымдашты. Анын кесепетинен Талас облусунун 1959-жылы туулган тургуну — «Subaru Forester» унаасынын айдоочусу жана Бишкек шаарынын 1985-жылы туулган тургуну — «Toyota 4Runner» үлгүсүндөгү унаанын айдоочусу каза болушкан.
Алдын ала маалыматтарга караганда, «Subaru Forester» унаасында айдоочу жалгыз болсо, «Toyota 4Runner» унаасында 3 жүргүнчү болгон. Алар ар кандай жаракат менен Жайыл райондук аймактык ооруканага жеткирилген.
Булак: Турмуш.кж