Борбордук «Ала-Тоо» аянтында чогулган эл Бишкектин ар кайсы көчөлөрүндө жүрүшөт. Буга чейин митингге чыккандардын айрым бөлүгү Ак үйгө бет алып, имараттын айланасына кирүүгө аракет кылышкан. Саат 23:30га карата Ак үйдү тегерете күч түзүмдөрү курчап турганын көрүүгө болот.
Белгилей кетсек, Бишкектин Ала-Тоо аянтында парламенттик шайлоонун жыйынтыгын жокко чыгарууну талап кылган митинг өтүп жатат. Саламаттык сактоо министрлигинин 22:00гө берген маалыматы боюнча, митингден жабыркап ооруканага 16 адам түшкөн.