Алматыда бир адамдын өмүрүн алып, 40тан ашык киши жабыркаган көп кабаттуу үйдөгү өрткө байланыштуу эки кылмыш иши козголду. Бул тууралуу шаардык өзгөчө кырдаалдар департаментинин башчысынын милдетин аткаруучу Ерлан Алибеков билдирди.
«Кылмыш иштери өрт коопсуздук эрежелерин бузуу жана бир адамдын өлүмү фактылары боюнча козголду. Шаардык прокуратура мекемелер аралык ыкчам топ түзүп, экспертиза дайындалды. Азыр өрттүн келип чыгуу себептери аныкталууда», – деген Алибеков.
Анын айтымында, өрт чыккан көп кабаттуу үйдүн түтүндөн коргоо системалары жакшы иштеген эмес. Эвакуациялык тепкичтер атайын эшиктер менен жабдылбагандыктан, ал жерге түтүн кирип, жашоочуларды эвакуациялоодо кыйынчылыктар жаралган. Мындан тышкары балкондор менен жогорку кабаттардагы авариялык эшиктер ширетилген же кулпуланган болгон.
«Каза тапкан аял терезеден секирип кеткен. Тургундар терезеден секирип ката кетирген. Балкондо күтүп турса өрт өчүрүүчүлөр куткармак. Куткаруучулар келип, үйдүн чыгыш тарабын өчүрүп жатканда да айрым жашоочулар имараттын түштүк тарабынан секирүүнү улантышкан», – деди Алибеков.
Расмий маалыматтарга ылайык, 1-август күнү кечинде Алматынын Алатау районундагы 16 кабаттуу үйдөн чыккан өрттөн бир аял каза болуп, 43 киши жаракат алган.
Ырчы, акын жана активист Аскат Жетигенге 15-мартында Фейсбуктагы баракчасында жасаган кайрылуусу боюнча Кылмыш-жаза кодексинин “Массалык …
Башкы прокуратура тарабынан соттук чечимдердин аткарылышына карата текшерүү жүргүзүлүп, жыйынтыгында Октябрь районунун сот аткаруучусуна карата …
УКМК «24.kg» маалымат агенттиги боюнча маалымат таратып, иш козголгонун билдирди. Атайы кызмат тараткан маалымат боюнча, …
ЖК депутаты Эмил Жамгырчиевди кылмыш жоопкерчилигине тартуу маселеси боюнча түзүлгөн депутаттык комиссиянын төрагасы, депутат Алишер …
Казакстанда Zam Zam Qazaqstan туристтик компаниясынын башчысы «мыйзамсыз ажылык сапар уюштуруу боюнча» алдамчылык схема түзгөн …
ЖАҢЫ ӨКМӨТ ҮЙҮ КАНДАЙ АТАЛЫШ КЕРЕК? Президент Садыр Жапаров жаңы курулуп жаткан президенттик администрацияга “Ынтымак-Манас …
