Жалал-Абадда “Женго” каймана аты бар кримтөбөл Кадыр Досоновдун уюшкан кылмыштуу тобунун активдүү мүчөсү кармалды, деп билдирет КР УКМКнын маалымат кызматы.
Атайын кызматтын билдирүүсүнө караганда, 2023-жылдын 15-декабрында КР УКМК тарабынан Кыргыз Республикасынын Кылмыш-жаза кодексинин 209-беренесинин 4-бөлүгүнүн 1-пункту (“Алдамчылык”) боюнча козголгон кылмыш ишинин алкагында “Женго” каймана аты бар криминалдык авторитет Кадыр Досоновдун уюшкан кылмыштуу тобунун активдүү мүчөсү Ж.Т. кармалды.
Кармалган Ж.Т. Жалал-Абад шаарындагы жеке ишкерлерди физикалык зомбулук көрсөтөм деп коркутуп-үркүтүп, акча каражаттарын өзүнө ыйгарып алуу менен алектенген.
Белгилей кетсек, кармалган жаран 2017-жылы “Каракчылык”, “Зордуктоо” жана “Өзгөчө мыкаачылык менен адам өлтүрүү” беренелери боюнча оор жана өзгөчө оор кылмыштарды жасаган деп соттолуп, өмүр бою эркинен ажыратылган. Бирок, 2022-жылы Ж.Т. сот органдары тарабынан шарттуу мөөнөтүнөн мурда бошотуулган. Бул чечимдин мыйзамдуулугу УКМК тарабынан иликтенип жатат, анын жыйынтыгында өзгөчө коркунучтуу кылмышкерди шарттуу түрдө мөөнөтүнөн мурда бошотууну колдонгон судьялардын аракеттерине тиешелүү юридикалык баа берилет.
Азыркы учурда кармалган адам КР УКМКнын Жалал-Абад облусу боюнча башкы башкармалыгынын тергөө абагына киргизилди. Тергөө иштери жүрүп жатат.
Мындан улам, аталган адамдын мыйзамсыз аракеттеринен жапа чеккен адамдар болсо КР УКМКнын Жалал-Абад облусу боюнча башкы башкармалыгына 03722 5-60-49 телефону аркылуу кайрылууну суранабыз.
Ошто опузалап акча талап кылган уюшкан кылмыштуу топтун мүчөлөрү кармалды. Бул тууралуу Ички иштер министрлигинен …
Кара-Сууда ири суммадагы акча алдамчылыгына шектүү уюшкан кылмыштуу топтун мүчөсү кармалды. Бул тууралуу Ички иштер …
«Женго» каймана аты бар Кадыр Досоновдун уюшкан кылмыштуу тобунун активдүү мүчөсү кармалды. Бул тууралуу УКМКнын …
УКТ МҮЧӨЛӨРҮНӨ ПРОФИЛАКТАКАЛЫК ИШТЕР ЖҮРДҮ КРнын Улуттук коопсуздук боюнча мамлекеттик комитети уюшкан кылмыштуулукка каршы күрөшүү …
Уюшкан кылмыштуу топтун (УКТ) мүчөлөрүнүн акча каражаттарын чет өлкөгө көзөмөлсүз электрондук капчыктарды колдонуу менен чыгарып …
Өзбекстанда издөөдө жүргөн уюшкан кылмыштуу топтун (УКТ) мүчөсү Бишкектен кармалды. Бул тууралуу УКМКнын басма сөз …
