Канада Орусиянын 22 жаранына жана төрт компаниясына каршы жаңы санкцияларды киргизди.
Жаңыланган санкциялык тизмеде орус президенти Владимир Путин менен жакын мамиледе экени айтылып жүргөн Олимпиада чемпиону Алина Кабаева, «Альфа-групп» компаниясына ээлик кылган миллиардер Михаил Фридмандын эки кызы, «Новикомбанктын» башкармалыгынын төрайымы Елена Георгиева, Урал тоо-металлургиялык компаниясынын башкы директору Андрей Козицын, Орусиянын түз инвестициялар фондунун башкы директорунун биринчи орун басары Анатолий Браверман, «Сбербанктын» башкармалыгынын мурдагы төрага орун басары Сергей Мальцев, «ВТБ банктын» төрагасынын орун басары жана башка жарандар бар.
Мындан тышкары санкциялык тизмеге «Орусиянын түз инвестициялар фондунун башкаруу компаниясы», «РВУнын башкаруу компаниясы», «Россельхозбанк» жана «Инвестторгбанк» киргизилген.
20-майда Канада Орусиянын 14 жаранына санкция салган. Алардын арасында да «орусиялык олигархтар, алардын үй-бүлө мүчөлөрү жана Путинге жакын адамдар» болгон.
Андан мурдараак Алина Кабаевага каршы Улуу Британия да санкция киргизген.
Бир катар жалпыга маалымдоо каражаттары бийликтеги өз булактарына таянуу менен Алина Кабаеваны Путиндин жубайы жана эки баласынын атасы деп жазып келишет. Швейцариялык SonntagsZeitung гезити Кабаева 2015-жылы жана 2019-жылы эки балалуу болгонун маалымдаган. Кремл бул маалыматтарды ырастаган да, төгүндөгөн да эмес.
АКШнын Сенатындагы Эл аралык мамилелер комитетинин башчысы Боб Менендес санкциялык чектөөлөр бузулган жагдайга байланыштуу Кыргызстандын …
Украинадагы кырдаалдан улам Батыш өлкөлөрүнүн санкциясына кабылган орусиялык олигарх Алишер Усманов аны Владимир Путиндин жакын …
АКШнын Каржы министрлиги Орусияга микрочиптерди жана башка технологияларды жөнөткөн төрт кыргыз компаниясына санкция салды. 20-июлда …
ЖАПАРОВ КИЧИ АЖЫЛЫККА БАРДЫ Президент Садыр Жапаров Сауд Арабиясына болгон жумушчу сапарынын алкагында Мекке шаарында …
Америка Кошмо Штаттарынын Кыргызстанга карата «Орусияга санкцияланган товарларды жеткирүүнү токтотуу үчүн» экономикалык чаралар көрүлүп жаткандыгы …
Кыргызстандын Экономика жана коммерция министрлиги Казакстанда кармалган 14 учкучсуз аппарат боюнча маалымат берди. Министрлик «Инвест …
