Кант шаарындагы базарда жайгашкан тез татымдан өрт чыкты. Бул тууралуу күбөлөр видеого тартып, социалдык түйүндөргө жүктөдү. ӨКМдин басма сөз кызматы аталган маалыматты ырастады.
Маалыматка ылайык, Кант шаарындагы базарда жайгашкан тез татымда өрт чыккандыгы тууралуу маалымат 11:00до түшкөн. Өрттү өчүрүүгө 2 куткаруучу топ тартылган.
«Өрт чектөөгө алынып, толугу менен өчүрүү иштери уланууда. Дагы кошумча маалымат берилет» деп билдирди ӨКМдин басма сөз кызматы.