Кыргыз Республикасынын Аскер прокуратурасы тарабынан кенже сержант Жылдыз Асанакунованын 2028 аскер бөлүгүндөгү жооптуу кызмат адамдарынын бир топ мыйзамсыз аракеттери тууралуу жалпыга маалымдоо каражаттарында чагылдырылган видео кайрылуусу боюнча текшерүү жүргүзүлдү.
Башкы прокуратура тараткан маалыматка ылайык, текшерүүдө, Асанакунованын кайрылуусундагы 5 дооматы боюнча мыйзам бузуу фактылары аныкталды.
«Аталган фактылар боюнча аскер бөлүктүн жооптуу кызмат адамдарына карата Кылмыш-жаза кодексинин 337-беренеси (кызмат абалынан кыянаттык менен пайдалануу), 346-беренеси (кызматтык жасалмачылык), 210-беренеси (ишенип берилген мүлктү ыйгарып алуу, коротуу) жана 131-беренеси (ден соолукка анча оор эмес залал келтирүү) менен кылмыш иши козголду. Кылмыш иштин алкагында кылмышка шектүү катары аскер бөлүктүн командири А.Б., анын орун басары Б.К., прапорщик К.К. уулу жана жеке ишкер Т.Е. камакка алынышты», — деп жазылат маалыматта.
Учурда тергөө иштери улантылып, кылмышка тиешеси бар башка адамдар такталууда.
Буга чейин Каракол шаарындагы №2028 аскер бөлүгүнүн кызматкери Жылдыз Асанакунова жоокерлерди уруп-согуу, кодулоо, аларга делген азык-түлүктүн сапаты тууралуу айтып, кайрылуу жасаган.
УКМКнын Чек ара кызматы социалдык тармактарда №2028 аскер бөлүгүнүн санитардык нускоочусу кенже сержант Жылдыз Асанакунованын видео кайрылуусунда айтылган маалыматы боюнча буга чейин да Чек ара кызматынын жетекчилиги, ошондой эле көзөмөлдөө жана компетенттүү органдар тарабынан иликтөөлөр жүргүзүлгөндүгүн маалымдаган.
Ал эми УКМК аскер бөлүктөгү зомбулук боюнча кайрылуу тастыкталбаганын билдирди.
Чүй облусунун Ысык-Ата райондук прокуратурасы тарабынан жер мыйзамдарынын сакталышы боюнча текшерүү жүргүзүлгөн. Башкы прокуратурадан билдиришкендей, …
Ысык-Көл облусун өнүктүрүү фондунун кызмат адамдары тарабынан мамлекетке дээрлик 200 млн сомдук зыян келтирилген. Бул …
Бишкек шаардык прокуратурасы тарабынан Кыргыз Республикасынын Саламаттык сактоо министрлигине караштуу Бишкек шаарынын Тез жардам борборунда …
Бишкек шаардык прокуратурасы тарабынан Кыргыз Республикасынын менчик жөнүндө мыйзамдарынын аткарылышы боюнча “Бишкек” Эркин экономикалык аймагында …
Башкы прокуратуранын имаратынын аймагында Манас жаңырып турганын себеби, ар бир мамлекет өзүнүн улуттук баалуулуктарына көңүл …
Аскерлерге зомбулук көрсөткөн Коргоо министирлигинин аскер бөлүгүнүн жетекчилери камакка алынды. Бул тууралуу Башкы прокуратурадан билдиришти. …
