11-апрелден тарта Казакстан өз жарандары жана чет элдиктер үчүн кургактыктагы чек араларына коюлган чектөөлөрдү алып салат.
Кыргызстандын Казакстандагы элчисинин маалыматына ылайык, мындай чечим эпидемиологиялык абалдын турукташуусун эске алуу менен кабыл алынган.
Ошондой эле, ПЧР тестин колдонуу менен COVID-19 боюнча изилдөөнүн терс натыйжасы бар сертификатты же COVID-19га каршы эмдөөнүн, ревакцинациялоонун толук курсунан өткөндүгүн тастыктаган документти/паспортту милдеттүү түрдө көрсөтүү талабы казакстандыктар жана Казакстандын аймагында жашап турууга уруксаты бар чет өлкөлүк жарандар үчүн, ошондой эле эмдөө паспортторун өз ара таануу менен чет өлкөлүк жарандар үчүн сакталып калат.
6-апрелде мамлекет башчы Садыр Жапаров Казакстандын президенти Касым-Жомарт Токаев менен телефондо сүйлөшүүдө чек арадан өтүү тартибин чечүүнү өтүнгөн эле. Токаев бул боюнча тиешелүү органдарга тапшырма бере турганын айткан.
Ошол күнү Кыргызстан менен Казакстандын Тышкы иштер министрлеринин орун басарлары Нуран Ниязалиев жана Марат Сыздыков мекемелер аралык кеңешме өткөрүп, эки тараптуу кызматташтыкты, анын ичинде чек араны ачуу маселесин талкуулаган.
Эки өлкөнүн чек арасында жалпы жети өткөрмө бекети бар. Казакстандагы январь айындагы окуялардан кийин ал бекеттер ар кандай чектөөлөр менен иштеп жаткан.
3-майда Прага шаарында Кыргызстандын Чехиядагы ардактуу консулдугунун ачылышына арналган расмий иш-чара өттү. ТИМден билдиришкендей, иш-чарага …
Ташкент шаарына (Өзбекстан) болгон жумуш сапарынын алкагында КР министрлер кабинетинин төрагасы – президенттин администрациясынын жетекчиси …
Кыргызстан боюнча 3-майда түнкүсүн жана күндүзү жаан-чачын күтүлбөйт. Бул тууралуу Кыргызгидромет билдирет. Батыштан келген шамалдын …
Бүгүн Баткен шаарында 2021-жылдын апрелиндеги жана 2022-жылдын сентябрындагы чек ара окуяларынын курмандыктарын эскерүү иш-чарасы өттү. …
Бүгүн “Чоң-Капка-унаа жолу” көзөмөл-өткөрүү пунктунун иши убактылуу токтотулат. Бул тууралуу УКМКнын Чек ара кызматынын маалымат …
Кыргыз-кытай мамлекеттик чек ара тилкесинде жайгашкан “Торугарт-автожол” жана “Эркечтам-автожол” өткөрүү жайлары 1-майда убактылуу жабылат. Бул …
