«Алматы аэропортун басып алуу» иши боюнча 4 жылга соттолгон активист Айгерим Тлеужанова Алматы облусунун Жаугашты айылындагы колонияда кайрадан ачкачылык жарыялады. Бул тууралуу «Республика» активисттин апасына шилтеме берүү менен билдирди.
Жарандык активист Марат Турымбетов Фейсбукта билдиргендей, Тлеужан «камактагы режимге макул болбогондуктан жана мыйзамдуу укуктары бузулгандыктан» 10-апрелде ачкачылык жарыялады.
Анын жактоочусу Айнара Айдарханова ачкачылык башталганы тууралуу маалыматты тастыктап, бирок чоо-жайы абактагы кардары менен жолуккандан кийин белгилүү болорун белгиледи.
«Республика» активисттин апасына таянып, Айгерим Алматыдагы клиникалардын биринде пландуу акы төлөнүүчү дарыланууга жеткирилбей калгандыктан ачкачылык акциясын баштаганын жазды. Айгерим ден соолугуна байланыштуу дарыланууга муктаж экени белгиленет.
Март айында Тлеужанга карата жаңы кылмыш иши козголгону белгилүү болгон. Ошол эле айда иш жабылып, бирок анын ордуна административдик иш козголгон.
Былтыр 11-июлда Алматы соту Айгерим Тлеужанованы Январь окуясы учурунда аэропортто «жапырт баш аламандык уюштурууга» күнөөлүү деп таап, төрт жылга эркинен ажыраткан. Аны менен кошо мурдагы мектеп мугалими, жарандык активдүүлүгү менен таанымал Калас Нурпейисов жана дагы үч алматылык тургун (Нурлан Далибаев, Эрмухамет Шилибаев, Жан-Айдар Карменов) сегиз жылга соттолгон. Аларга «жапырт баш аламандык уюштуруу», «имараттарга кол салуу», «автоунаа уурдоо» жана «каракчылык» беренелери боюнча айыптар тагылган. Сотто бешөө тең тагылган айыптарды четке кагышкан.
Былтыр 10-ноябрда Алматы шаардык соту өкүмдү күчүндө калтырган. Адвокаттар жогорку инстанцияга даттанарын билдиришкен.
Бүгүн, 5-апрелде Бишкек шаардык соту жарандык активист Зарина Төрөкуловага өкүм чыгарып, ага берилген пробация мөөнөтүн …
Бүгүн, 20-мартта Биринчи май райондук сотунда Кемпир-Абад иши боюнча соттук териштирүүлөр уланууда. Ички иштер министрлигинин …
Бакунун Хатай райондук соту көз карандысыз ToplumTV басылмасынын негиздөөчүсү Алескер Мамедлини жана «III Республика платформа» …
Алматыда сот каракалпакстандык активист Акылбек Муратбайды (Муратов) 40 суткага камакка алуу чечимин чыгарды. Бул тууралуу …
Казакстандын Кылмыш-аткаруу комитети камакта отурган Тимур Данебаевди ур-токмокко алган кызматкерлерге карата “кызмат абалын ашкере пайдалануу” …
КЕМПИР-АБАД ИШИ: ДАГЫ 3 АЙЫПТАЛУУЧУ АБАКТАН ЧЫКТЫ Кемпир-Абад иши боюнча айыпталып, октябрдан бери тергөө абагында …
