Күзүндө мөөнөтүнөн мурда президенттик шайлоо өткөрүү үчүн 20 миллиард теңге (болжол менен 42,5 миллион доллар), парламенттик шайлоого 25 миллиард теңге (53,2 миллион доллар) талап кылынат.
Бул тууралуу бейшембиде Казакстандын каржы министринин орун басары Татьяна Савельева мажилис кулуарында билдирди.
“Президенттик шайлоо 2024-жылга пландалгандыктан, анын бюджети ошол жылга эсептелген болчу. Бирок өзгөрүүлөр менен жаңы тапшырмаларга байланыштуу каражат өкмөт резервинен бөлүнөт. Азыр Борбордук шайлоо комиссиясы эсептеп жатат. Мөөнөтүнөн мурда өтө турган шайлоонун чыгымы – болжол менен 20 млрд тенге”, — деди Савельева журналисттерге.
Вице-министрдин айтымында, чыгымдын дээрлик 90% шайлоо комиссияларынын мүчөлөрүнүн маянасына кетет. Анын маалыматына караганда, өткөн шайлоолордо 65 миң киши иштесе, бул жолу шайлоо комиссияларынын мүчөлөрү 70 миң кишиден ашат.
Казакстандын президенти Касым-Жомарт Токаев 1-сентябрда парламентте элге кайрылуу кылып, быйыл күзүндө кезексиз президенттик шайлоо өтөрүн жана ага катышууга ниеттенип жатканын жарыялаган. Мындан тышкары ал 2023-жылдын биринчи жарымында мөөнөтүнөн мурда парламенттик шайлоону өткөрүүнү сунуштаган.
Бүгүн Кыргызстандын өлкө башчысы Садыр Жапаров Россия Федерациясынын президенти Владимир Путин менен телефон аркылуу сүйлөштү. …
Орусияда 15-марттан 17 -мартка чейин өткөн президенттик шайлоонун алдын ала эсептөөлөрү боюнча Владимир Путин алдыда …
АКШнын Жогорку Соту Колорадо сотунун Дональд Трампка президенттик шайлоого катышууга тыюу салган чечимин жокко чыгарды. …
Казакстанда бөкөндөрдүн санын жөнгө салуу боюнча былтыр башталган иш убактылуу токтотулду. Бул тууралуу өлкөнүн экология …
7-февралда Азербайжанда мөөнөтүнөн мурда президенттик шайлоо өтүүдө. Оппозиция ага катышуудан баш тарткан, жеңишке өлкөнүн азыркы …
Орусиянын Борбордук шайлоо комиссиясы Владимир Путинди президенттикке талапкер катары каттоого алды. Конституцияга киргизилген өзгөртүүлөргө ылайык, …
