Казакстандын Борбордук шайлоо комиссиясы (БШК) партиялар жана бир мандаттуу округдар боюнча өткөн мажилис шайлоосунун акыркы жыйынтыктарын жарыялады.
Ага ылайык, буга чейин алдын ала кабарлангандай эле шайлоого катышкан жети партиянын алтоо парламентке өттү. Бийликтин «Аманат» партиясы шайлоочулардын 53,9%, «Ауыл» – 10,9%, Respublica – 8,59, «Ак жол» – 8,41%, «Казакстандын элдик партиясы» – 6,8% жана «Коомдук социал-демократиялык партия» 5,2% добушун алды. Шайлоочулардын 2,3% ишенимине ээ болгон «Байтак» партиясы беш пайыздык чектен өтө алган жок. Шайлоого катышкан жарандардын 3,9% баарына каршы добуш берген.
Парламентке бир мандаттуу округдардан шайланган 29 талапкердин 23ү «Аманат» партиясынын өкүлдөрү экени кабарланды. Бул партиянын мүчөлөрү аймактардагы жергиликтүү маслихаттарда да көпчүлүк орундарга ээ болушту.
Көз карандысыз байкоочулар 19-мартта мөөнөтүнөн мурда өткөн мажилис жана маслихат депутаттарын шайлоо жапырт мыйзам бузуулар менен коштолгонун билдирүүдө. Алардын айтымында, шайлоо күнү жана анын эртеси өлкөнүн түрдүү аймактарынан бюллетендерди топ-тобу менен салуу өңдүү мыйзам бузуу учурлары тартылган видеоматериалдар келип түшкөн. Мындан тышкары көз карандысыз байкоочулардын айрымдары шайлоо тилкелеринен чыгарылып, бюллетенди сүрөткө тартуу, протоколдорду берүүдөн баш тартуу жана байкоочулардын кыймылын чектөө сыяктуу «салттуу» мыйзам бузуулар катталган.
Көз карандысыз байкоочулар, талапкерлердин өкүлдөрү, жарандык активисттер жана коомдук ишмерлер шайлоонун жыйынтыктарына макул эмес экенин билдирип, бийликке бир канча талаптарды коюп, митинг өткөрө тургандыктарын билдиришти.
Бийлик бул шайлоолор «таза» өткөнүн билдирсе, Башкы прокуратура «олуттуу мыйзам бузуулар катталбаганын» кабарлады.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
28-мартта Ош, Кара-Суу жана Баткен бир мандаттуу шайлоо округдары боюнча Жогорку Кеңештин депутаттарын мөөнөтүнөн мурда …
Борбордук шайлоо комиссиясына №2 Баткен жана №9 Кара-Суу бир мандаттуу шайлоо округдары боюнча Жогорку Кеңештин …
ЖКнын “Ата Журт-Кыргызстан” фракциясынын депутаты Абдыбахаб Боронбаев мандатын тапшыруу үчүн Борбордук шайлоо комиссиясына арыз жазды. …
Казакстанда бөкөндөрдүн санын жөнгө салуу боюнча былтыр башталган иш убактылуу токтотулду. Бул тууралуу өлкөнүн экология …
Садыр Жапаров кийинки президенттик шайлоого катышат. Бул тууралуу «Кабар» агенттигине президенттин маалымат катчысы Аскат Алагөзов …
