Караганды соту жергиликтүү активист, блогер Евгений Медведевди 10 күнгө камакка алды. 12-мартта анын үйүндө полиция кызматкерлери уруксатсыз тинтүү жүргүзгөн. Кийин активист «полициянын талабына баш ийген эмес» деп айыпталган.
Караганды сотунун басма сөз кызматы билдиргендей, «жеке үйдүн короосунда полиция кызматкерлери менен жаңжалдашуу фактысы боюнча» иш каралган. 12-мартта М. аттуу жаран полиция кызматкерлерин үйүнө киргизбей жатканы тартылган видео тараган. Соттун маалымдашынча, полиция кызматкерлери санкциясыз тинтүү жүргүзө турган болгондо жаран алардын «мыйзамдуу аракетине тоскоол болгон, аларды киргизбей эшигин жаап алган».
Полиция кызматкерлери кийин анын колун толгоп, кишен тагышкан. Андан соң короосунда жана үйүндө тинтүү жүргөн.
Соттон билдиришкендей, ошол күнү уурулук тууралуу кылмыш иши катталып, активисттин үйүнүн жанында шектүү автоунаа байкалган. Буга байланыштуу тинтүү тез арада уруксатсыз жүргүзүлгөн. Кийин автоунаа башка кишиге тиешелүү экени аныкталган.
14-мартта өткөн сот отурумунда активист айыптоолорду мойнуна алган жок. Ал полициянын аракетин «мыйзамсыз» деп атады.
Евгений Медведев өзү жашаган аймакта күл төгүүчү жайдын курулушуна каршы чыгып, айылды жашылдандыруу маселесин көтөрүп жүргөн белгилүү активист.
Орол шаарын селден коргоо үчүн Батыш Казакстан облусуна кошумча күчтөр жөнөтүлүүдө. Бул тууралуу 22-апрелде казак …
Президент Садыр Жапаровдун 18-19-апрелде Астана шаарына (Казакстан Республикасы) болгон расмий сапары аяктады. Астананын эл аралык …
Президент Садыр Жапаров бүгүн расмий сапар менен Казакстанга учуп кетти. Бул тууралуу президенттин маалымат кызматынан …
Нурсултан Назарбаевдин фонду ири суу ташкындарынын кесепеттерин жоюу боюнча өлкө бийлигинин аракеттерин бардык жактан колдоп …
Президент Садыр Жапаров Казакстандын президенти Касым-Жомарт Токаевдин чакыруусу боюнча 18-19-апрелде Казакстанга расмий сапары менен барат. …
Казакстандын президенти Касым-Жомарт Токаев үй-бүлөлүк зомбулук үчүн жоопкерчиликти күчөткөн мыйзамга кол койду. Ага ылайык, аялдарга …
