Алматы шаарында поезд менен автобус сүзүшүп, 2 адам каза болду. Бул тууралуу жергиликтүү басылмалар жазды.
Маалыматка ылайык, кырсык 15-сентябрь күнү 19:20 чамасында Алматы-Костанай темир жолунун 2449-чакырымында «Шамалган» станциясында катталган. Анда автобустун айдоочусу поезддин машинистинин сигналын укпай, темир жолго чыга калган.
«Кырсыктын кесепетинен 2 адам көз жумуп, 9 киши ооруканага жеткирилди. Каза болгондордун арасында автобустун айдоочусу дагы бар»,-деп айтылат маалыматта.