Жогорку Кеңештин маалымат кызматынын мурдагы жетекчиси Ибраим Нуракун уулу 7-чакырылыштын депутаттары келе элек жатып кабинет талашып жаткандыктары тууралуу кептерге өз пикирин Фейсбуктагы баракчасына жазды.
Анын айтымында, ага телеканалдардын биринин кабарчысы телефон чалып, 7-чакырылыштын депутаттары келбей жатып эле кабинет талашып жатканын айткан жана мурун кабинеттер кантип бөлүштүрүлүп жүргөнүн сураган.
«Тилекке каршы, интервью берүүгө убактым болбоду. Ошентсе да, мурдагы пресс-катчы катары жаңы депутаттарга, эгер кабыл алышса, анча-мынча кеңешимди берип коёюн дедим, ушул кабинет маселеси боюнча. Урматтуулар, кийинки беш жыл бою отуруп иштей турган жериңиздерди азыртадан камдап койгонуңуздар эң туура иш. Ак үйдө жакшы кабинеттер чынында эле аз. Бирок, менин журналист катары байкаганым, кабинетке караганда жыйындар залындагы орундар да өтө маанилүү. Колдон келсе, микрофонго жакын жердеги креслону тандаңыздар. Айрыкча, процедуралык маселелер боюнча же башка маанилүү талкууларда чыга калып сүйлөп турууга абдан ыңгайлуу болот. Залдагы телекамералар дагы ошол микрофондун тегерегиндеги орундарды көп көрсөтөт. Сүйлөбөсөңүз деле таанымал депутат болуп калсаңыз болот. Кабинетти, эгер иштеген депутат болсоңуз күн тийген жагынан алыңыз. Эртеден кечке күндүн нурун көрбөй иштөө өтө кыйын. Эгер келип-кетме депутат болсоңуз көлөкө тарабы жакшы. Жайкысын ысып келгенде салкын кабинетте олтуруп алып чай ичкенден өткөн ырахат жок. Ал эми кабинеттин көлөмү, этажы депутаттык ишке анча деле таасир этпейт. Мисалы, «легендарлуу» алтынчы чакырылыштын депутаттары Жанар Акаев, Аида Касымалиева, Алтынай Өмүрбекова, Рыскелди Момбеков, Абдывахап Нурбаев деген депутаттар, мен билгенден, дүйнөдөгү эң тар кабинеттерде отурушчу. Бирок, бул алардын таанымал депутат болушуна эч кандай тоскоолдук кылган жок. Мисалы, бир жолу депутат Нурбаев таза аба долбоору боюнча талкууну өзүнүн кабинети тардык кылып, менин да таптар, бирок аныкынан бир метрге кененирээк кабинетимде өткөргөнү эсимде. Ошондон улам, негедир кабинет канчалык тар болсо, иш ошончолук ийгиликтүү болот экен деп ойлоно берем. Убагында Дооронбек Садырбаев деле тар кабинетте олтурчу эле. «Жетинчи кабаттагы Камчыбек Жолдошбаев деген үлкөн депутаттын «королевский» кабинетин ким ээлер экен эми?»,-деп жазган ал.
Белгилей кетсек, Ибрагим Нуракун уулу буга чейин Жогорку Кеңештин басма сөз кызматынын жетекчиси болуп иштеп, октябрь айында кызматтан кеткен.
Бүгүн, 6-майда Жогорку Кеңештин депутаттары Винера Раимбачаева, Камила Талиева жана Кундузбек Сулайманов Бишкек шаарында дарыланып …
“Элдик” депутаттык тобунун лидери Акылбек Түмөнбаев баштаган депутаттар Аманкан Кенжебаев жана Жалолидин Нурбаев Кыргызстандагы сүт …
Бүгүн, 13-мартта депутат Шайлообек Атазов мандатынан ажыратуу боюнча Бишкектин административдик сотунун чечими, Жогорку Кеңештин айланасындагы …
Отун-энергетикалык комплекс, жер казынасын пайдалануу жана өнөр жай саясаты боюнча комитети Бишкек шаарынын жылуулук электр …
23-январда түнкү саат 00:09 чамасында Кыргызстан менен Кытайдын чек арасында жер титирөө болуп, ал Кыргызстандын …
Жогорку Кеңештин бир катар депутаттары мамлекеттик сыйлыктарды алды. Наамды бүгүн президент Садыр Жапаров мамлекеттик резиденцияда …
