Ленин РИИБдин кызматкерлери ИИМдин Бишкек шаары боюнча Кызматтык иликтөө башкармалыгынын кызматкерлери менен биргеликте милиция кызматкерине пара берүүгө аракет кылган жаранды кармашты. Бул тууралуу райондук милициянын басма сөз кызматы билдирди.
Маалыматта айтылгандай, буга чейин Ленин РИИБге 2005-жылы туулган Ж.Э. аттуу жаран арыз менен кайрылып, 2025-жылдын август айында кайнатасы ага карата сексуалдык мүнөздөгү зомбулук аракеттерин жасаганын билдирген. Аталган факты боюнча Бишкек шаарынын Ленин РИИБдин Тергөө кызматы тарабынан Кылмыш-жаза кодексинин 154-беренеси (Зордуктоо) боюнча кылмыш иши козголгон.
16-августта аталган кылмыш иши боюнча көрсөтмө берүү маалында 1974-жылы туулган И.А. аттуу жаран кылмыш ишин токтотуу үчүн милиция кызматкерлерине пара сунуштаган. Бул тууралуу жетекчиликке дароо кабар берилген. Ыкчам-тергөө иш-чараларынын жүрүшүндө Ленин РИИБдин кызмат бөлмөлөрүнүн биринде 50 миң сом өлчөмүндө пара берип жаткан учурда А.И. аттуу жаран кармалган. Бул факты боюнча Кылмыш-жаза кодексинин 345-беренеси (Пара берүү) боюнча кылмыш иши козголгон. Аталган жаран шектүү катары кармалып, Бишкек шаарынын ИИББнын убактылуу кармоочу жайына киргизилген. Тергөө иштери уланууда
ИИМ Ысык-Көлдө туристтик-экологиялык милиция кызматы түзүлүп, балык уулоого мораторий киргизилгенден бери браконьерлик кескин азайганын кабарлады. …
КР Тышкы иштер министрлигинин мурдагы башчысына кызматтык абалынан кыянаттык менен пайдалануу фактысы боюнча айыбы угузулду. …
Бишкек шаарында дайынсыз болуп жаткан сегиз жаш өспүрүмдөрдүн төртөөсү табылды. Бул тууралуу Бишкек ШИИББнин басма …
Социалдык тармактарда жарыяланган видеосу сын пикирлерди жараткан блогерлер милицияга жеткирилди. Бул тууралуу Бишкек ШИИББнин басма …
Свердлов райондук ички иштер башкармалыгынын маалыматы боюнча, милицияга кабар бүгүн саат 11де түшкөн. Чалган адам …
Чүй ОИИБдин маалыматына ылайык, мушташ 2-январда Ысык-Ата районунун айыл аймактарынын биринин борборунда бир нече айылдын …
