Киев көчөсүндөгү көп кабаттуу үйдүн тышкы көрүнүшү оңдолду. Бул тууралуу Бишкек мэриясынын басма сөз кызматы билдирди.
Маалым болгондой, үйдүн фасады демөөрчүлөр тарабынан оңдолду. Бул имарат шаардын архитектуралык көрүнүшүн жаратат, сырткы көрүнүшү аянычтуу абалда болгондуктан капиталдык оңдоого муктаж болчу.
Буга чейин борбордун чок ортосунда үйдүн көрүнүшү көп жолу талкуу жараткан. Алсак, аталган үйдүн дубалына баннер илингени коомчулукта чуу жараткан.
