Кыргызстандык балбан кыз Айсулуу Тыныбекова Украинада өтүп жаткан спорттук күрөштүн түрлөрү боюнча мелдеште алтын медалдын ээси болду.
Эл аралык турнирдин биринчи күндүк беттештеринин финалдык беттештери Бишкек убактысы боюнча саат 17:30да старт алды.
Экинчи бөлүктө Айсулуу Тыныбекова керектүү болгон 4 упайлык ыкманы жасап, 9:7 эсебинде жергиликтүү балбанды жеңди. Муну менен Айсулуу Тыныбекова 62 килограмм салмакта алтын медалга ээ болду.
Бүгүн дагы бир кыргыз балбаны Жоломан Шаршенбеков да финалда ирандык Алиреза Нежати менен күрөшүп, 5:1ге жеңилип күмүш медаль алган.