Чүй облусунун Москва районуна караштуу Александровка айылын суу каптады деген маалымат чындыкка дал келбейт. Бул тууралуу ӨКМден билдиришти.
«Кечээ,14-майда республика боюнча нөшөрлөгөн жамгыр жаады. Бирок, Александровка айылын суу каптаганы тууралуу маалымат чындыкка дал келбейт. Видео Казакстанда тартылганы айтылууда «,-деп билдиришти ӨКМден.
Эске салсак, 14-май күнү социалдык тармактарга «Александровка айылында сел жүрдү» деген аталышта видео тараган. Анда суу көчөнү каптап, үйлөргө агып жатканын көрүүгө болот.