Саясий партиялардын курултайларын өткөрүүнүн эрежелери иштелүүдө. Бул тууралуу бүгүн, 19-августта өкмөт үйүндөгү маалымат жыйында өкмөт башчы Кубатбек Боронов билдирди.
Анын айтымында, жыйын өтө турган жайда санитардык-эпидемиологиялык талаптардын сакталышы көзөмөлгө алынат.
«Жарандык коргонуу комиссиясы тарабынан саясий партиялардын курултайларын, эл менен жолугушууларын өткөрүүнүн эрежелери иштелип чыгууда. Ал талаптардын сакталышы катуу көзөмөлгө алынат. Биринчиден жыйынга түздөн-түз келип катышкандардын саны уруксат берилген сандан ашпашы керек», — деди өкмөт башчы.