Өзгөчө кырдаалдар министрлигинин куткаруучулар тобу 24-августта Кыргызстандагы Жеңиш чокусуна, учурда орусиялык альпинист Наталья Наговицина жайгашкан жерге келүүнү пландоодо. Бул тууралуу КР Өзгөчө кырдаалдар министрлигинин өкүлдөрүнө шилтеме берүү менен ТАСС билдирди.
«Издөө-куткаруу тобу буга чейин 6000 метрлик чекти басып өткөн. Эгер баары план боюнча жүрсө, анда 24-августта Наговицинага жетет», — деп билдирди ӨКМ. Кызмат аба ырайынын татаал шарттары куткаруу иштеринин жүрүшүнө таасирин тийгизиши мүмкүн экенин белгиледи.
Операция учурунда алар Наговицина менен бир тайпада болгон италиялык альпинисттин сөөгүн да түшүрүшөт. Ал 6,9 миң метр бийиктикте мээ шишигинен каза болгон.
Наталья Наговицина 12-августта Победа чокусуна экспедиция учурунда бутун сындырып алган.Он күндөн бери ал 7,2 миң метр бийиктикте калган. Куткаруучулар алгач альпинистке эки-үч күндө жетебиз деп пландашса, андан кийин бул мөөнөт беш күнгө чейин узартылган. Аба ырайынын катаалдыгынан улам тик учактар тоонун чокусуна уча албай, тоо кыркалары да Өзгөчө кырдаалдар министрлигинин адистерине тоскоолдук жаратууда.
