Өзгөчө абал режими киргизилгенден бери борбор калаабызда үй-бүлөлүк зомбулук фактылары өсүп кетти. Бул тууралуу шаар коменданты Алмазбек Орозалиев онлайн брифинг учурунда айтты.
«Өзгөчө абал киргизилгенден бери үй-бүлөлүк зомбулук фактыларынын саны өсүп кетти. Былтыркы жылга салыштырмалуу зомбулук фактылары 61,7%га арткан. Былтыр 24-марттан 24-апрелге чейин 100 учур катталса, быйыл 162 факт катталды. Зомбулукка жол бербей ынтымакта жашасак. Бул оор күндөр да өтөт», — деди ал.