Жогорку Кеңешин депутаты Сеид Атамбаев анын артынан аңдуулар болуп жатканы боюнча комментарий берди.
«Артыман аңдуулар өткөн аптада болгон. Бирок ким, эмне үчүн аңдып жатканын мен билбейм. Арашан, Кой-Таш дегенде бийлик чочуп турат. Өйдө жактагы айылдар калаага жакын, митинг уюштурат деген коркуулар болушу мүмкүн. Ошол себептен аңдуулар болуп жатат»,-деди депутат.
Эске салсак, 3-июнда депутат Сеид Атамбаев анын артынан аңдуулар болуп жатканын социалдык тармактагы баракчасы аркылуу жазып, себебин түшүндүргөн эмес.