Бишкек шаарындагы соода түйүндөрдө азык-түлүктөр тездик менен сатылып алынууда. Бул тууралуу Govori.TVга күбөлөр жеринен тартып, видео материал жөнөттү.
Белгилей кетсек, буга чейин Бишкектеги дүң сатып алуу базарларында азык-түлүккө келген жарандардын саны өскөндүгү тууралуу маалыматтар тараган. Ал эми Бишкек шаарынын мэриясынын аппарат жетекчиси Балбак Түлөбаев азык-түлүккө болгон бааны жөнү жок көтөргөндөр жазалана турганын айтып, жергиликтүү бийлик жана акимиаттар базар, соода борборлорунун ээлери менен сүйлөшүп жатканын фейсбуктагы өздүк баракчасына жарыялаган эле.