Бишкек. 12.03.2019. Govori.TV
УКМК Кыргызстан Социал-демократиялык партиясынын
съездин катышуучуларынын тизмеси текшерилип жатканы тууралуу кайрылуусуна жооп берип, кызматтык териштирүү башталганы айтылды.
«Аталган факт боюнча териштирүү иштери башталды. Белгилей кетсек, партиянын саясий кеңеши арызданган УКМКнын Жети-Өгүз райондук бөлүмүнүн начальниги К. Табалдиев кызматка 1 ай мурун гана дайындалган. Абал менен кеңири таанышуу максатында жана жергиликтүү бирикме менен иш алып баруу үчүн Жети-Өгүз райондук паспорт столуна бир канча сурамжылоо жиберген»,-деп айтылат маалыматта.
Белгилей кетсек, буга чейин КСДПнын басма сөз катчысы Кундуз Жолдубаева УКМК мындай кадам менен аларга кысым көрсөтүү үчүн болуп жатканын айткан.
Партиянын съезди 6-апрелде Бишкекте өтөөрү айтылган.
