КТРКнын Байкоочу кеңеши бүгүн, 30-декабрда жыйынга чогулуп, корпорациянын башкы директорлугуна Бактияр Алиевди шайлады.
Кеңештин добуш берүүгө катышкан 15 мүчөсүнүн 11и Алиевди колдоп добуш беришти.
6-октябрда КТРКны 2019-жылдын март айынан бери жетектеп келген Жайнак Үсөн уулу кызматын тапшырып берген. Анын ордуна жаңы жетекчиге сынак жарыяланган.
Корпорациянын жетекчисинин милдетин башкы директордун орун басары Бактияр Алиев аткарып турган.
