Бишкек. 19.02.2018. Govori.TV
«Кыргызстан» фракциясы чукул жыйын өткөрүп, Жогорку Кеңештин депутаты Дамирбек Асылбек уулунун Казакстанда кармалышы боюнча фракция билдирүү таратты.
«Алдын ала маалыматтарга караганда, коюлуп жаткан күнөөлөргө депутаттын тиешеси жок. Парламенттик фракция Кыргызстандын Тышкы иштер министрлиги жана тиешелүү укук органдары менен тыгыз байланышта болууда. Бул маселеде Казакстандын тиешелүү компетенттүү органдарынын мыйзамдарын толук сактоо менен күнөө коюлуп жаткан кыргыз жарандарынын укуктары тебеленбестен, акыйкат изилденип, чечилет деп ишенебиз», — деп айтылат фракциянын билдирүүсүндө.
Ошондой эле Дамирбек Асылбек уулу «Кыргызстан» парламенттик фракциясынын активдүү депутаты гана болбостон, күрөш боюнча Кыргызстан жана Казакстандын желегин желбиретип, кыргыз спортуна да чоң салымын кошуп келген, деп айтылат маалыматта.
Эске сала кетсек, Казакстандын Башкы прокуратурасы “Алматы, Жамбыл, Түштүк Казакстан облустарында жана Алматы шаарында 15-16-февраль күндөрү жүргүзүлгөн ири масштабдагы атайын операцияда 29 адам кармалганын» маалымдаган. Өлкөнүн чек ара аймактарында контрабандалык ишмердик кылган уюшкан кылмыштуу топторго каршы жүргүзүлгөн операцияда кармалгандар бажы, укук коргоо органдарынын кызмат адамдары, брокерлер, ортомчулар, криминалдык чөйрөнүн өкүлдөрү экени айтылган. Анын ичинде Кыргызстандын төрт жараны бар болгону жана анын бири Кыргызстандын парламентинин депутаты экени да кабарланган.
Дамирбек Асылбек уулу Жогорку Кеңештеги “Кыргызстан” фракциясынын депутаты, Кыргызстандын күрөш федерациясынын биринчи вице-президенти.
Алматы шаардык соту депутат Асылбек уулу Дамирбек баштаган кыргызстандык жарандарды эки айга камакка алуу чечимин чыгарган.
Бүгүн, 15-майда, президент Садыр Жапаров менен Малайзиянын премьер-министри Анвар Ибрагимдин өлкөгө болгон расмий сапарынын алкагында …
Малайзия менен билим берүү тармагында кызматташууга кызыкдарбыз. Бул тууралуу бүгүн, 15-майда Билим берүү жана илим …
Кыргызстан менен Малайзиянын ортосунда соода жүгүртүүнүн көлөмү 19-20 миллион доллардын тегерегинде. Бул тууралуу бүгүн, 15-майда …
И.Раззаков атындагы Кыргыз мамлекеттик техникалык университетинин базасында учкучсуз аппараттарды башкаруу боюнча окуу борбору ачылды. Бул …
3-майда Прага шаарында Кыргызстандын Чехиядагы ардактуу консулдугунун ачылышына арналган расмий иш-чара өттү. ТИМден билдиришкендей, иш-чарага …
Ташкент шаарына (Өзбекстан) болгон жумуш сапарынын алкагында КР министрлер кабинетинин төрагасы – президенттин администрациясынын жетекчиси …
