Бүгүн, 23-майда өткөн маалымат жыйында Кыргыз футбол союзунун президенти Медербек Сыдыков «словакиялык жаңы машыктыруучу Штефан Таркович менен эмне үчүн 1 жылга гана келишим түздү?» деген суроого жооп берди.
«Бул машыктыруучу менен келишимди мындан ары узартуу маселеси 6 оюндун жыйынтыгынан кийин белгилүү болот»,-деди Сыдыков.
Белгилей кетсек, Кыргызстандын футбол боюнча улуттук курама командасына башкы машыктыруучу болуп дайындалган словакиялык Штефан Таркович менен Кыргыз футбол бирлиги 2024-жылдын 30-июнуна чейин келишим түзгөн.
50 жаштагы Штефан Таркович УЕФАнын Pro машыктыруучулук лицензиясына ээ. 2020-жылдан 2022-жылга чейин Словакиянын улуттук курама командасын машыктырган. Словакия курама командасы 2020-жылы футбол боюнча Европа чемпионатынын финалдык баскычына чыккан.
2013-жылдан 2020-жылга чейин Словакиянын улуттук курама командасынын башкы машыктыруучусунун жардамчысы болуп келген.
Медербек Сыдыков Кыргыз футбол союзунун башкы катчысы болуп дайындалды. КФСтен билдиришкендей, 27-февралда жыйында Кыргыз футбол …
Күн мурун Кыргыз футбол союзунун аткаруу комитети менен президенти Медербек Сыдыков мөөнөтүнөн мурда кызматын тапшырды. …
