Евразиялык өкмөттөр аралык кеңештин алкагында Министрлер Кабинетинин Төрагасы Акылбек Жапаров менен Казакстан Республикасынын Премьер-министри Алихан Смаиловдун жолугушуусу болуп өттү. Бул тууралуу министрлер кабинетинин басма сөз кызматы билдирди.
Жолугушуунун жүрүшүндө тараптар эки тараптуу, анын ичинде интеграциялык бирикменин алкагындагы кызматташуу маселелерин талкуулашты.
Министрлер Кабинетинин Төрагасы Акылбек Жапаров Казакстан Республикасынын Президенти Касым-Жомарт Токаевдин Кыргыз Республикасына расмий сапары, ошондой эле кыргыз-казак өкмөттөр аралык кеңешинин 10-жыйынынын жүрүшүндө жетишилген макулдашуулар эки өлкө ортосундагы бир туугандык мамилелерди чыңдоо өңдүү динамиканын далили болгондугун белгиледи.
«2022-жылдын алты айында биздин өлкөлөр ортосундагы соода жүгүртүү көлөмү 568 млн АКШ долларын түздү, бул өткөн жылдын ушул мезгилине салыштырмалуу 24%га жогору. Бул бизди кубандырат. Ошол эле учурда биз умтула турган нерселер бар. Үзгүлтүксүз жана өз убагында өткөрүлүүчү жолугушуулар бүгүнкү күндө орун алган бир катар маселелерди, анын ичинде соода жана транзиттик чөйрөлөрдөгү маселелерди талкуулоо жана чечүү жолдорун табуу үчүн мыкты өбөлгө түзөт», — деди Акылбек Жапаров.
Жыйындын башында Казакстан Республикасынын Премьер-министри Алихан Смаилов жакында Россия Федерациясынын Ульяновск облусунда болгон кырсыктан Кыргыз Республикасынын жарандарынын каза болгондугуна байланыштуу көңүл айтты.
«Биздин негизги максатыбыз – мамлекет башчылары тарабынан коюлган милдеттерди толук ишке ашыруу жана казак-кыргыз кызматташтыгын мындан ары да чыңдоо. Тактап айтканда, өз ара сооданын көлөмүн 2 млрд долларга чейин жогорулатуу», — деди Алихан Смаилов.
Жолугушуунун жүрүшүндө “Ак-Тилек” жана “Карасу” өткөрүү пункттарынын аймагындагы Өнөр жай-логистикалык комплексин куруу долбоорун ишке ашыруу, Казакстан Республикасында дизелдик отунга болгон баанын көтөрүлүшү, айыл чарба тармагында кызматташуу, ошондой эле кыргыз-казак мамлекеттик чек арасы аркылуу Кыргызстандын жүк ташуучу унааларынын тоскоолдуксуз өтүшүнө байланыштуу маселелер талкууланды.
Бүгүн, 18-апрелде айрым чек ара бекеттеринде өтүүгө убактылуу чектөө кирет. Бул тууралуу УКМКнын чек ара …
Кыргызстан менен Кытай чек арасындагы «Торугарт» менен «Эркеч-Там» бекеттери убактылуу жабылат. Бул тууралуу Чек ара …
Бажы кызматынын төрагасынын мурдагы орун басары Райымбек Матраимовго Кылмыш-жаза кодексинин “Мамлекеттик чек арадан мыйзамсыз өтүү” …
Кыргызстан менен Кытайдын чектешкен аймагында жер титирөө катталды. КР Сейсмология институтунун маалыматына ылайык, жер титирөө …
2024-жылдын 4-мартынан 8-мартына чейин Ош шаарында Кыргыз Республикасынын жана Өзбекстан Республикасынын Өкмөттүк делегацияларынын жумушчу топторунун …
Кыргыз Республикасынын УКМК Чек ара кызматынын маалымат жана коммуникация башкармалыгы «Кыргызтелеком» ААК байланыш тармактарында оңдоо-калыбына …
