«Биз кыргыз-орус стратегиялык өнөктөштүгүн жана союздаштык мамилелерин жогору баалайбыз» , — деп билдирди Кыргызстандын президенти Садыр Жапаров Россиянын президенти Владимир Путин менен кеңейтилген курамдагы жолугушуусунда.
Мамлекет башчысы өз сөзүндө белгилегендей, Путиндин сапары Кант авиабазасынын 20 жылдыгына жана Кыргыз-Россия Славян университетинин 30 жылдыгына туш келгендиги чоң символикалык мааниге ээ.
«Биздин эки тараптуу мамилелерибиздеги бул маанилүү окуялар биздин достугубуздун символу болуп саналат. Биз кыргыз-орус стратегиялык өнөктөштүгүн жана союздаштык мамилелерин жогору баалайбыз», — деди ал.
Ошондой эле президент эске салгандай, 1-сентябрь — Билим күнүндө Кыргызстандын Бишкек, Каракол жана Баткен шаарларында орус тилдүү башталгыч 3 мектептин курулушу башталган.
“Мен келечекте бул мектептердин бүтүрүүчүлөрү кыргыз-орус мамлелерин тереңдетүүгө чоң салым кошот деп ишенем. Ушул пландан алганда биздин өлкөлөрдүн ведомстволорунун жана аймактарынын ортосундагы, ошондой эле “коомдук дипломатия” аркылуу байланыштардын жана алмашуулардын активдүү динамикасы көңүл бурууга татыктуу. Алардын ичинен “Эстелик поезди”, “Кызыл парустар”, Екатеринбург, Челябинск, Курган жана Казань шаарларындагы кыргыз балет искусствосунун чеберлеринин жана жаш таланттарынын көрсөтүүлөрүн өзгөчө белгилеп кетким келет. Жакын арада 15 окуучу “Кыргызстандын балдары үчүн — Интернат үй” долбоорунун алкагында Россияга барат”, — деди Садыр Жапаров.
Жыйынтыгында мамлекет башчысы Кыргызстан Россия өкмөтүнүн жетекчилигинин, Тышкы иштер министрлигинин, Өзгөчө кырдаалдар министрлигинин, Улуттук гвардиянын жана башка делегациялардын Бишкекке жасаган иш сапарын жогору баалай турганын баса белгиледи.
“Биздин биргелешкен келечегибизди түптөгөн бекем пайдубал эки өлкөнүн тарыхый достук байланыштары экени кубандырат”, — деп жыйынтыктады өз сөзүн Садыр Жапаров.
Эскерте кетсек, Россия Федерациясынын президенти Владимир Путин бүгүн, 12-октярбга Кыргызстанга расмий сапары менен келген.
Президент Садыр Жапаров бүгүн кыргыз-тажик чек арасындагы куралдуу кагылышуудан курман болгон жарандарды эскерүүгө байланыштуу кыргызстандыктарга …
Президент Садыр Жапаровдун Азербайжан Республикасына 24-25-апрелде болгон мамлекеттик сапары аяктады. Сапардын алгачкы күнү Баку шаарында …
Азербайжандын лидери Ильхам Алиев президент Садыр Жапаровго карабак күлүгүн белек кылган. Белек Агдам шаарында Карабах …
Президент Садыр Жапаров бүгүн Баку шаарында Азербайжага болгон мамлекеттик сапарынын алкагында өлкө президенти Ильхам Алиев …
Бүгүн, 24-апрелде, Баку шаарында Кыргызстан менен Азербайжандын президенттери Садыр Жапаров жана Ильхам Алиевдин расмий жолугушуу …
Президент Садыр Жапаров бүгүн, 24-апрелде, мамлекеттик сапар менен Азербайжанга жөнөп кетти. 24-25-апрелде боло турган сапардын …
