• Жума 29 Жалган куран 2024
  • Пятница 29 Март 2024
Орозо

Кыргызстан Эксимбанкка быйыл $112 миллион төлөйт

1 Теке 2022 16:21 Бишкек Govori.TV

Кыргызстандын Кытайдын Экспортук-импортук банкына (Эксимбанк) болгон карызы 1 млрд 794 млн 120 миң долларды же 147 млрд 304 млн 940 миң сомду түздү. Бул тууралуу Каржы министринин басма сөз кызматы кабарлады.

Маалыматта быйыл 111 млн 730 миң доллар төлөө пландалып жатканы айтылат. Эксимбанкка болгон карызды төлөө 2025-жылдан баштап көбөйүп, 2027-жылы туу чокусуна жетет.

Буга чейин Министрлер кабинетинин төрагасы Акылбек Жапаров Жогорку Кеңештин жыйынында эгер карыз төлөнбөсө, Кытайдын Экспорттук-импорттук банкы үч стартегиялык объектиге башкаруучу компания киргизерин билдирген. Ал Бишкек Жылуулук электр борборун, “Датка-Кеминди” жана Түндүк-Түштүк жолун атаган.

Кыргызстандын мамлекеттик карызы 2022-жылдын 28-февралына карата 5 млрд. 182 млн. долларга барабар. Анын ичинен ички карыз 817 миллион доллар болсо, мамлекеттин тышкы карызы 4,3 миллиард долларга жеткен. Муну менен тышкы карыз өлкөнүн ички дүң өнүмүнө карата 53,70% түзүп калган.

Количество просмотров: 102