Кыргызстан менен Казакстан өнөр жай соода-логистикалык комплексин түзөт. Бул тууралуу КР Экономика жана коммерция министрлигинин басма сөзь кызматынан кабарлашты.
Ведомствонун билдирүүсүнө караганда, тиешелүү макулдашууга Астанада өткөн эл аралык форумдун алкагында бүгүн кол коюлуп, ага кыргыз тараптар экономика жана коммерция министри Данияр Амангелдиев, казак тараптан Казакстандын вице-премьер-министри – соода жана интеграция министри Серик Жумангари катышты.
Документте «Ак-Тилек» жана «Карасу» автожол постторунун аймагындагы комплекстин ишмердүүлүгүн түзүү жана жөнгө салуу жагы каралган.
Министрликтен кошумчалашкандай, 2022-жылдын 29-апрелинде өткөн кыргыз-казак өкмөттөр аралык кеңешинин жана мамлекет башчыларынын өз ара сапарларынын жыйынтыгында жаңы өнөр жай-логистикалык комплекстерди түзүү боюнча макулдашууга жетишилди.
ӨСЛК долбоору эки өлкөнүн экономикасынын реалдуу секторунда өз ара сооданы жана эки тараптуу долбоорлорду көбөйтүү үчүн жаңы өсүү чекити катары каралат.
Биргелешкен кыргыз-казак өнөр жай соода-логистикалык комплексин түзүү экспортко багытталган экономикалык жактан натыйжалуу долбоорлорду ишке ашырууга жана экономиканын айрым секторлорунун атаандаштыкка жөндөмдүүлүгүн жогорулатууга, анын ичинде өндүрүштү жана сатууну башкаруунун алдыңкы технологияларын колдонуу аркылуу жогорулатууга мүмкүндүк берет.
ӨСЛК ишиндеги артыкчылыктар болуп төмөнкүлөр саналат:
ӨСЛК түзүү өндүрүштүк линияларды чийки заттын олуттуу көлөмү жана өнүккөн инфраструктурасы бар экономикалык жактан жагымдуу чөлкөмгө жайгаштырууга, жалпысынан эл аралык рыноктордо өлкөлөрдүн рыноктук үлүшүн кеңейтүүгө мүмкүндүк берет.