Кыргызстан менен Казакстан жарандык жана кылмыш-жазык иштери боюнча өз ара укуктук жардам көрсөтүү жөнүндө эки өлкө ортосундагы келишимге өзгөртүүлөрдү жана толуктоолорду киргизүү тууралуу протоколго кол коюшту.
Буга чейин көз карандысыз медиа Казакстан январь окуялары учурунда кыйноого кабылган кыргызстандыктарын ишин тергөөгө ашыкпай жатканын жазган.
Май айынын башында музыкант Викрам Рузахунов Алматыга тергөөгө барбаганына байланыштуу кылмыш иши убактылуу токтотулганы белгилүү болгон. Анын адвокаты Нурбек Токтакунов Рузахуновго кыргыз бийлиги коопсуздук кепилдигин бербегени үчүн Алматыга барышпаганын билдирген.
Белгилүү музыкант, пианист Викрам Рузахунов Казакстанда быйыл Январь айында кармалып, эки күндөн кийин кыргыз бийлигинин кийлигишүүсү менен абактан бошотулуп, Бишкекке жеткирилген.
Кийин ал ооруканада операция болгон. Рузахунов казак күч кызматкерлеринин кыйноосуна кабылганын жана кабыргалары сынып, мээси чайкалганын айтып чыккан.
Казакстандагы ал окуяларда Рузахуновдон тышкары Чолпонбек Сыдыков аттуу кыргыз жаранын дагы укук коргоо органдары катуу сабаган.
Буга чейин Сыдыковдун укугун Кыргызстандын жана Казакстандын “Кыйноого каршы коалиция” уюмдарынын адвокаттары коргой турганы белгилүү болгон.
Казакстан бийлиги билдиргендей, январь окуялары учурунда жана андан кийин кармалгандардан кыйноого кабылганы жөнүндө 200дөн ашуун арыз түшкөн. Анын негизинде кылмыш иштери козголгон. Ушул күнгө карата болгону күч түзүм органдарынын 11 кызматкери шектүү аталганы маалым.
Расмий маалымат боюнча башаламандык учурунда каза болгон 238 кишинин кеминде сегизи “тергөөнүн урукат берилбеген ыкмаларынан” улам каза болгон.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
КР Президенттик администрациясы Сорос фондунун Кыргызстандагы өкүлчүлүгүн жабуу жөнүндө чечим боюнча комментарий берди. «Фонд командасы …
15-апрелде КРдин Индиядагы Элчиси Аскар Бешимов менен Индиянын Тышкы иштер министринин жаңы дайындалган орун басары …
Кыргызстан Казакстандын суу каптоодон жабыркаган алыскы облустарына “Жардам кербенинин экинчи партиясын жөнөттү. ӨКМден билдиришкендей, жети …
Германия Федеративдүү Республикасынын Кыргызстандагы Атайын жана Толук Ыйгарым укуктуу Элчи айым д-р Габриэла Геллил «Govori.TV» …
Кыргызстандын аймагында акыркы суткада 12 өрт кырсыгы катталып, аларды өчүрүүгө 12 күжүрмөн эсеп тартылган. Бул …
