• Жума 29 Жалган куран 2024
  • Пятница 29 Март 2024
Орозо

Кыргызстанда биометрикалык паспорт басып чыгарууга кезектеги тендер жарыяланды

26 Бирдин айы 2020 15:25 Бишкек Govori.TV

Кыргызстанда биометрикалык паспорт басып чыгарууга кезектеги тендер жарыяланды. Мамлекеттик сатып алуу порталында 26-февралда чыккан жарыяга ылайык, Мамлекеттик каттоо кызматы бул максатта 973 миллион 123,5 миң сом бөлүүгө даяр. Каалоочулардан арыз 19-мартка чейин кабыл алынат.

Чет мамлекетке чыкканда колдонулуучу паспорттун биометрикалык түрүн чыгаруу боюнча тендерди Мамкаттоо 2018-жылы жарыялаган. Ага чет өлкөлүк беш компания катышып, литвалык «Гарсу Пасаулис» компаниясы жеңүүчү деп табылган. Бирок 2019-жылы Жогорку сот бул чечимди жокко чыгарган. Себеби сынактын дагы бир катышуучусу, германиялык «Мүлбауэр» компаниясы «тендерде эреже бузууга жол берилди» деп, сынактын жыйынтыгын жокко чыгарууну талап кылган.

Быйыл февраль айынын башында АКШ Кыргызстандын жарандарына виза берүүнү чектеп, буга негизги себеп — өлкөдө биометрикалык паспорт бериле электиги экенин билдирген.

Премьер-министр Мухаммедкалый Абылгазиев 25-февралда Мамлекеттик каттоо кызматынын Бишкек шаарындагы Калкты тейлөө борборуна барганда кыргыз жарандарына көптөгөн өлкөлөрдүн визасын алуу барган сайын кыйынга туруп жатканын моюнга алган жана 2021-жылдан тартып биометрикалык паспорт бериле баштай турганын билдирген.

Количество просмотров: 93